Школяр осмей класи нашей школи, Исак Новта, успишно представял школу на републичним змаганю зоз знаня китайского язика „Китайски мост“, котре отримане нєшка у Новим Садзе.

Исак змаганє започал зоз инспирацийну бешеду под назву „Ученє китайского язика отвера дзвери до швета“, а як талант виведол познату китайску писню „Молихуа“ на тамбурки. Спой традицийней китайскей мелодиї и нашого народного инструменту одушевел присутних и охабел моцни упечаток на публику и жири.

Зоз замеркованим наступом Исак указал же ше зоз пошвеценосцу и любову спрам язикох можу посцигнуц одлични резултати, гоч и за кратки час.

Ментор Исакови була проф. Мая Брекайло, котра источасно була и член жирию штредньошколцом и студентом.

Винчуєме Исакови и жадаме му ище вельо посцигнуца на драги ученя китайского язика.