Штварток, 16. мая, нашо госци зоз Греческей присуствовали годзини анґлийского язика при професорки Теодори Вранєш. Школяре седмих и осмих класох основней школи, як и школяре першей класи ґимназиї им пририхтали велї интересантни содержаї. Упознали их зоз културу, историю и спортом нашей жеми, а потим ше понамагали повесц цо знаю о їх жеми. После рижнородних бавискох и интересантних содержайох, школяре мали нагоду научиц гречески традицийни танєц и чуц греческу писню у виводзеню товаришох зоз Греческей. Зоз черанку контактох, вериме же ше родзели нови товаришства, на взаємне задовольство.